Os cactos son os vexetais pertencentes á familia das cactáceas (Cactaceae), plantas espiñentas e con talos suculentos ; algunhas especies teñen talos leñosos ou pouco suculentos, entón presentan follas simples, suculentas e alternas. Teñen fotosíntese CAM. As flores son solitarias e hermafroditas ou, máis rara vez, unisexuais, acostuman ser actinomorfas, pero existen especies con flores zigomorfas.
O perianto, xeralmente, está composto por numerosos tépalos dispostos en espiral, con aspecto petaloide, frecuentemente os tépalos externos teñen aspecto sepaloide. Únense basalmente para formar un hipanto ou tubo periántico. O androceo está formado por numerosos estames, con secuencia centrífuga. O pole é trinucleado, desde tricolpado a 6-15 colpado ou porado. O nectario está constituído por un anel na superficie interna do tubo periántico. O xineceo componse de 3 a moitos carpelos, sendo o ovario ínfero. O froito acostuma ser indehiscente, carnoso, baciforme, rara vez seco.
A familia consta de 30-200 xéneros, segundo o autor consultado, con 1000 especies ou posibelmente 2000.
Os cactos son os vexetais pertencentes á familia das cactáceas (Cactaceae), plantas espiñentas e con talos suculentos ; algunhas especies teñen talos leñosos ou pouco suculentos, entón presentan follas simples, suculentas e alternas. Teñen fotosíntese CAM. As flores son solitarias e hermafroditas ou, máis rara vez, unisexuais, acostuman ser actinomorfas, pero existen especies con flores zigomorfas.
O perianto, xeralmente, está composto por numerosos tépalos dispostos en espiral, con aspecto petaloide, frecuentemente os tépalos externos teñen aspecto sepaloide. Únense basalmente para formar un hipanto ou tubo periántico. O androceo está formado por numerosos estames, con secuencia centrífuga. O pole é trinucleado, desde tricolpado a 6-15 colpado ou porado. O nectario está constituído por un anel na superficie interna do tubo periántico. O xineceo componse de 3 a moitos carpelos, sendo o ovario ínfero. O froito acostuma ser indehiscente, carnoso, baciforme, rara vez seco.
A familia consta de 30-200 xéneros, segundo o autor consultado, con 1000 especies ou posibelmente 2000.
