Mamanga (karaiñe'ẽ: abejorro) ha'e umi tymbachu'i ipepo pererĩ jueheguaty, hete guasu, haguepáva ha hũ. Oĩ umíva ipara sa'yjúva ha ipyti'a katu morotĩ. Hete rague isỹi ha hũ. Oñembohaity yvyguýpe ha upépe ojapo hikuái ikambuchi'i ijeíra ryrurã. Ñambopochy ramo, ipochy ha ñande jopi rasy. Oĩ ave umi ojo'óva haityrã yvyra kuápe.
Ko'ã tymbachu'i ombyaty yvoty ku'i hetymáre hembi'urã, ha ojogua peteĩ eiru guasúpe.
