ಓಂತಿ (ಕ್ಯಾಲೋಟಿಸ್): ಸರೀಸೃಪ ವರ್ಗೊದೊ ಸ್ಕ್ವಮೇಟ ಗಣತ್ತೊ ಲ್ಯಾಸರ್ತಿಲಿಯ ಉಪಗಣೊಗು ಸೇರ್ದಿನ ಒಂಜಿ ಜೀವಿ. ಇಂದೆನ್ ಕನ್ನಡೊಡು ತೋಟದ ಹಲ್ಲಿ (ಗಾರ್ಡನ್ ಲಿಝರ್ಡ್) ಪಂದ್ ಪನ್ಪೆರ್. ಉಂದು ಕಂಡೊಡು, ಬೇಲಿಡ್ ಸಾಮಾನ್ಯವಾದ್ ತೋಜುಂಡು. ಕರ್ನಾಟಕೊದ ರಾಜ್ಯೊಡು ಇಪ್ಪುನ ಓಂತಿ ಕೆಲೊಟಿಸ್ ವರ್ಸಿಕಲ್ಸಾರ್ ಪನ್ಪಿನ ಪ್ರಭೇದೊಗು ಸೇರುಂಡು.
ಓಂತಿ ಕೀಟಾಹಾರಿ, ಇದೆಂತ ದೇಹೊನು ತರೆ, ತಿಗಲೆ ಬೊಕ್ಕೊ ಬೀಲ ಪಂದ್ ವಿಂಗಡಿಸಾವೊಲಿ. ತರೆ ಬೊಕ್ಕ ತಿಗಲೆದ ನಡುಟ್ಟ್ ನಿರ್ದಿಷ್ಟವಾಯಿನ ಕೆಕ್ಕಿಲ್ ಉಂಡು. ದೇಹೊದ ಮಿತ್ತ್ ಹುರುಪೆ ತೋಜುದು ಬರ್ಪುಂಡು.
ಮುಂಡೊದ ಅಡಿಭಾಗೊಗು ಅಂಟ್ದ್ ರಡ್ ಕಾರ್ ಉಂಡು. ಐನ್ ಕೈ ಬಿರೆಲ್ ಉಂಡು. ಬೀಲ ದಪ್ಪೊ ಇಪ್ಪುಂಡು. ಬೀಲದ ಕೊಡಿ ಸಪೋರ ಚೂಪು ಇಪ್ಪುಂಡು.
ಓಂತಿಲು ಭಿನ್ನಲಿಂಗಿಲು. ಬೊಲ್ದು ಬಣ್ಣೊದ ಪತ್ಪದ್ರಾಡ್ ಕೆತ್ತಿಲೆನ್ ದೀಪುಂಡು.
