She foillycan ee cobbrag veg (Lycaena phlaeas). T'ee ry-akin ayns ardjyn tempreilagh ayns America Hwoaie, yn Aishey, yn Oarpey as yn Affrick hwoaie.
Ta ny skianyn hoshee jiarg-wuigh gial er y çheu s'yrdjey; ta oirr ghorraghey oc as hoght ny nuy spuitt ghoo. Ta ny skianyn jerrey dorraghey as oirr yiarg-wuigh oc. Ta'n jesheenaght cheddin, faggys, er y çheu s'inshley, agh t'eh ny s'glassey: ta lheeah-dhone ayns ynnyd dhone dorraghey, as ta breck doo er ny skianyn jerrey.[3]
Ta'n phraddag glass, as ta linney gorrym-jiarg er kuse jeu.
T'ad breh oohyn baney ynrican er çheu s'yrdjey duillag. Ta'n phraddag gee çheu s'inshley y duillag, lesh faagail yn epiderm s'yrdjey myr uinnag trooid-hoilshagh. T'eh ceau y geurey myr praddag. Ta daa ny tree aailee 'sy vlein.
T'ee gee shughlaig (Rumex acetosa) as shughlaig ny geyrragh (Rumex acetosella) son y chooid smoo, agh dooieyn Rumex elley ny keayrtyn.
She foillycan ee cobbrag veg (Lycaena phlaeas). T'ee ry-akin ayns ardjyn tempreilagh ayns America Hwoaie, yn Aishey, yn Oarpey as yn Affrick hwoaie.