La cerraja lanuda ( Andryala integrifolia) ye una planta yerbácea de la familia Asteraceae, bien estendida pola rexón mediterránea.
Ye una planta yerbácea, d'unos 40 a 50 cm a lo más, bien estendida pola rexón mediterránea. Como interés y a diferencia d'otres asteraceaes presenten látex.
Les fueyes son alternes, d'unos dos cm de grosez por 6 o 7 cm de llargor, dentaes y son tomentosas o cubiertes de pelos. Son les pubescencies aterciopelaes les que-y dan esi aspeutu ablancazáu a esta planta, como s'aprecia na semeya del tarmu de la mesma.
Capítulus en corimbos de color mariellu. Toles flores del capítulu tienen dambos sexos, son hermafrodites.
La envoltura de la flor o arreyo ta formáu por bráctees en forma de llanza o llanceolaes, con pelos daqué más visibles que los del tarmu.
Na variedá floccosa, endemismu de la islla de Gran Canaria, les flores apenes sí devasen les bráctees del arreyo, sicasí na integrifolia son d'un terciu del so tamañu aproximao. Toles flores del capítulu son lígulaes, non yá les del estremu. Estes acaben en cinco dientes, son quinquedentaes. Les lígules del estremu tienen nel centru una llinia llonxitudinal de color moráu.
El frutu, como la gran parte de les compuestes, ye un miriguanu con pelos verdosos.
Alcuéntrase nel sudoeste d'Europa, Rexón Mediterránea, Macaronesia nes cunetes de caminos, cultivos y yerbazales a plenu sol.
Andryala integrifolia describióse por Carlos Linneo y espublizóse en Species Plantarum 2: 808. 1753. [1]
Andryala: nome xenéricu con derivación dudosa. Quiciabes pocede del griegu aner, andros que significa "machu" y hyalos, que significa cristal.[2]
De siguío indíquense otres especies del xéneru Andryala de la Península Ibérica y Baleares:
Planta
Corimbo
Tarmu
cáliz
.
Esta páxina forma parte del wikiproyeutu Botánica, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. La cerraja lanuda ( Andryala integrifolia) ye una planta yerbácea de la familia Asteraceae, bien estendida pola rexón mediterránea.
