Bärdierli (Tardigrada) – au Wasserbäre – bilde e Dierstamm innerhalb vo de Hütigsdier (Ecdysozoa). Si si mäistens weniger als e Millimeter grooss, häi acht Bäi und erinnere vom Usgsee us und wie si dappig vorwärtschömme e chli an d Bäre, und wäge däm häi si im dütsche Sproochruum die Bezäichnig überchoo. Au iire wüsseschaftlig Naame, wo us latiin. tardus ‚langsam‘ und gradus ‚Schritt‘ zämmegsetzt isch, goot uf die langsami Fortbeweegig zrugg.
D Bärdierli lääbe uf dr ganze Wält im Meer, im Süesswasser oder in füechte Lääbensrüüm an Land; bsundrigs hüfig findet mä sä dört in Mooschüssi. En Äigeschaft vo de Dier isch d Kryptobiose. Das isch e doodäänlige Zuestand, won ene hilft, extremi Umwältbedingige z überlääbe. Bärdierli chönne sich vom Inhalt vo Pflanzezälle ernääre und au räuberisch vo chliine Dier wie Faadewürm (Nematoda) oder Reederdierli (Rotifera), wo si aastäche und ussuuge. Bärdierli pflanze sich mäistens gschlächtlig furt. Mänggi Arte vermeere sich aber au parthenogenetisch, das häisst ooni ass e Männli d Äier vom Wiibli befruchdet.
Die nöggste Verwandte vo de Bärdierli si vermuetlig Gliider- (Arthropoda) und Stummelfüessler (Onychophora). Mit dene bilde si s Taxon Panarthropoda.
Bärdierli (Tardigrada) – au Wasserbäre – bilde e Dierstamm innerhalb vo de Hütigsdier (Ecdysozoa). Si si mäistens weniger als e Millimeter grooss, häi acht Bäi und erinnere vom Usgsee us und wie si dappig vorwärtschömme e chli an d Bäre, und wäge däm häi si im dütsche Sproochruum die Bezäichnig überchoo. Au iire wüsseschaftlig Naame, wo us latiin. tardus ‚langsam‘ und gradus ‚Schritt‘ zämmegsetzt isch, goot uf die langsami Fortbeweegig zrugg.
D Bärdierli lääbe uf dr ganze Wält im Meer, im Süesswasser oder in füechte Lääbensrüüm an Land; bsundrigs hüfig findet mä sä dört in Mooschüssi. En Äigeschaft vo de Dier isch d Kryptobiose. Das isch e doodäänlige Zuestand, won ene hilft, extremi Umwältbedingige z überlääbe. Bärdierli chönne sich vom Inhalt vo Pflanzezälle ernääre und au räuberisch vo chliine Dier wie Faadewürm (Nematoda) oder Reederdierli (Rotifera), wo si aastäche und ussuuge. Bärdierli pflanze sich mäistens gschlächtlig furt. Mänggi Arte vermeere sich aber au parthenogenetisch, das häisst ooni ass e Männli d Äier vom Wiibli befruchdet.
Die nöggste Verwandte vo de Bärdierli si vermuetlig Gliider- (Arthropoda) und Stummelfüessler (Onychophora). Mit dene bilde si s Taxon Panarthropoda.