Sage

Želbija^[1][2] (Salvia) je ród ze swójby cycawkowych rostlinow (Lamiaceae). Wobsahuje 900 družinow.

Kwětnistwo stepoweje želbije (Salvia nemorosa)

Wopis

Družiny su jednolětne abo wjacelětne rostliny.

Kćenja

Typiske su rołkojte, dwuhubkowe kćenja, při čimž delnja hubka je płona a hornja ma zwjetša formu helma. Keluch je tež dwuhubkowe a často napadnje barbjeny. Barba móže rozdźělna być, a to: módra, čerwjena, rědko žołta.

Rozšěrjenje

Z wuwzaćom tropiskich dešćowych lěsow a jara zymnych regionow družiny rostu nimale wšudźe.

Družiny (wuběrk)

Wobsahuje slědowace družiny:

• Dobra želbija (Salvia officinalis)
• Japanska želbija (Salvia japonica)
• Łučna želbija (Salvia pratensis)
• Lěpjaca želbija (Salvia glutinosa)
• Lěsna želbija (Salvia silvestris)
• Mušotowa želbija (Salvia sclarea)
• Mutličkata želbija (Salvia verticillata)
• Pyšna želbija (Salvia splendens)
• Stepowa želbija (Salvia nemorosa)
• Wuherska želbija (Salvia aethiopis)

Nóžki

1. ↑ ^{1,0 1,1} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 672.
2. ↑ ^{2,0 2,1} W internetowym słowniku: Salbei

Žórło

• Botanica, Einjährige und mehrjährige Pflanzen, Über 2000 Pflanzenporträts, ISBN 978-3-8331-4469-1, strona 761 (němsce)

Eksterne wotkazy

Commons: Salvia – Zběrka wobrazow, widejow a awdiodatajow