Megascops trichopsis, tamién conocíu como tecolote bigotudu o tecolote rítmicu, ye una pequeña ave de presa nocherniega na familia Strigidae, nativu d'América Central y América del Norte.
Tien una cabeza redonda con guedeyes, güeyos mariellos y un picu amarellentáu. Ye bien similar a M. kennicottii, pero ye llixeramente más pequeñu y tien más llurdios nel pechu. El color del plumaxe de los adultos asocede en dos variaciones: un plumaxe en que predomina'l gris, o'l marrón o marrón escuro.
El rangu de M. trichopsis inclúi'l centru-norte de Nicaragua, Hondures, El Salvador, Guatemala, Méxicu, hasta'l sur d'Arizona nos Estaos Xuníos.[1] El so hábitat inclúi montes trupos de coníferes o carbayu y cafetales, polo xeneral a un rangu altitudinal mayor qu'el de M. kennicottii.
M. trichopsis ye activu mientres la nueche o al atapecer, y utiliza el so escelente oyíu y visión nocherniega p'alcontrar a les sos preses. Suel cazar dende una percha pa llanzase sobre la presa, pero tamién prinda les sos preses mientres el vuelu. Aliméntase principalmente de pequeños mamíferos y grandes inseutos. Saltamontes, escarabayos, y polilles constitúin gran parte de la so dieta.
Davezu añera a un altor de 5 a 7 metros nun cuévanu d'árbol o nel fuexu escavado por picatueros. Polo xeneral pon 3 o 4 güevos n'abril o mayu.
Hai 3 subespecies reconocíes:[2]
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Megascops trichopsis, tamién conocíu como tecolote bigotudu o tecolote rítmicu, ye una pequeña ave de presa nocherniega na familia Strigidae, nativu d'América Central y América del Norte.
