El llinguáu finu (Solea solea) ye un pexe planu que puede atopase nos mares d'agües templaes, o n'agua duce. Pertenez a la familia de soleidos, orde pleuronectiformes.
Suel algamar los sesenta centímetros de llargor y unos trés quilos de pesu. El formatu del so cuerpu ye ovoide y esplanáu per dambos llaos. Posa nos llechos sobro'l so llau esquierdu. Mientres la so fase inicial de desenvolvimientu, el so güeyu esquierdu empieza a migrar escontra'l so llau derechu. Tol so cuerpu ta protexíu por perpequeñes escames ctenoides, y ye de color marrón verdosu, anque pueden camudar el so color pa mimetizarse col llechu onde s'atopa con cuenta de cazar meyor. El llau esquierdu, que s'atopa en contautu col fondu, ye de color blancu. La so boca tien forma oblicua, con llabios protráctiles, y ta provista d'agudos dientes que concentren n'unu solu de los cantos de dambos maxilares.
Cazador por escelencia, alimentase de pequeños pexes, crustáceos ya invertebraos del fondu. Reproduzse na primavera. La fema deposita miles de güeves nel llechu y el machu fecundales. La fema puede poner ente dos y trés millones de güeves al añu. Una vegada fecundáu, el güevu llexa na superficie, pero a midida que se van desenvolviendo los individuos, van fundiendo. Les críes nacen a los quince díes, momentu nel que se ruempe'l güevu y los bárabos vuelven llexar llibremente na superficie del agua por otres cuatro a seyes selmanes. Ye nesti momentu nel que'l so güeyu esquierdu empieza a movese.
El llinguáu finu (Solea solea) ye un pexe planu que puede atopase nos mares d'agües templaes, o n'agua duce. Pertenez a la familia de soleidos, orde pleuronectiformes.
Suel algamar los sesenta centímetros de llargor y unos trés quilos de pesu. El formatu del so cuerpu ye ovoide y esplanáu per dambos llaos. Posa nos llechos sobro'l so llau esquierdu. Mientres la so fase inicial de desenvolvimientu, el so güeyu esquierdu empieza a migrar escontra'l so llau derechu. Tol so cuerpu ta protexíu por perpequeñes escames ctenoides, y ye de color marrón verdosu, anque pueden camudar el so color pa mimetizarse col llechu onde s'atopa con cuenta de cazar meyor. El llau esquierdu, que s'atopa en contautu col fondu, ye de color blancu. La so boca tien forma oblicua, con llabios protráctiles, y ta provista d'agudos dientes que concentren n'unu solu de los cantos de dambos maxilares.
Cazador por escelencia, alimentase de pequeños pexes, crustáceos ya invertebraos del fondu. Reproduzse na primavera. La fema deposita miles de güeves nel llechu y el machu fecundales. La fema puede poner ente dos y trés millones de güeves al añu. Una vegada fecundáu, el güevu llexa na superficie, pero a midida que se van desenvolviendo los individuos, van fundiendo. Les críes nacen a los quince díes, momentu nel que se ruempe'l güevu y los bárabos vuelven llexar llibremente na superficie del agua por otres cuatro a seyes selmanes. Ye nesti momentu nel que'l so güeyu esquierdu empieza a movese.
