'''Ptiloxena atroviolacea ye una especie d'ave paseriforme de la familia Icteridae endémica de la islla de Cuba.
Ptiloxena compónse de les pallabres griegues ptilon y xenos signifiquen respeutivamente «pluma estraña», atroviolaceus en griegu significa «negru y violáceo». ‘Totí’ y ‘choncholí’ son nomes onomatopéyicos.
Ye un ave común en tola islla de Cuba, en montes, campos cultivaos, y xardinos de ciudaes. Nun ta presente en Islla de la Mocedá nin nos grandes cayos de Cuba.
Mide unos 27 cm de llargu, la fema daqué menor. Ye dafechu negru con rellumos violáceos y verdosos, más brillosu nos machos. L'ave inmaduru ye más opacu. Los güeyos son de color castañu escuru. El picu y les pates son negros. Suel confundise coles femes del Quiscalus niger, especie que tien los güeyos amarellentaos. Apaez en bandaes pequeñes, de cutiu acomuñaos con Quiscalus niger. Suel caminar con pasos poles cañes o'l suelu. La so alimentación ye bien variable ya inclúi granos, frutos de palmes y otres frutes, inseutos, reptiles pequeños, y hasta se diz que comen cachiparros del ganáu.
Añera de marzu a xunetu de sobre les bases de fueyes y recímanos de les palmes, o sobre bromelias epifites, construyéndo el so nial con raicillas, payes, fibres, plumes y pelos. Pon trés o cuatro güevos blancos enllordiaos con pintes grises y pardes na parte más gruesa, y miden 2,9 por 1,9 cm.
'''Ptiloxena atroviolacea ye una especie d'ave paseriforme de la familia Icteridae endémica de la islla de Cuba.