Wjelekćěwna abelija (Abelia floribunda[2], syn. Vesalea floribunda) je rostlina ze swójby kozylistowych rostlinow (Caprifoliaceae). Wona bu wot M.Martens & Galeotti prěni raz w lěću 1844 wědomostnje wopisana. [3]
Wjeliekćěwna abelija je kerk, kotryž docpěje wysokosć wot hač do 1 m. Jeho zrunane hałuzy su mjechko kosmate. Rostlina je mjerzliwa.
Kožane łopjena su jejkokulojte hač owalne, na woběmaj kóncomaj skulojćene, rědko tupo-wótre a sedźa na krótkich mikawčkatych stołpikach. Wone su na hornim boku ćmowozelene, na delnim boku jasnozelene a docpěja dołhosć wot 2 hač do 3 cm a šěrokosć wot 1 hač do 2 cm.
Kćěje w lěću. Kćenja su najwjetše kćenja tutoho roda a steja po dweju hač po třoch na krótkich, w rozporach stejacych stołpikach. Jich přikrywne łopjena su małke, mjeztym zo keluch wobsteji z wulkich, dołhojtych wotrězkow. Karminróžojte kćenja sedźa w promjenjach na zhibnjenych hałuzach. Króna je likojta a njese 3-3,5 cm dołhu wobkromu, kotraž na spódku je walcojta a so horje rozšěrjuje. Při tym wobkroma wobsteji z jejkojtych wotrězkow. Wona so při přeměr wot něhdźe 1,5 cm do rołki přeměnjuje.
Štyri próškowe łopješka steja w krónowej rołce. Dwě krótkej docpějetej hač do klamy, mjeztym dwě dołhej tróšku wusahujetej. Płódniki su krótke, jejko-dołhojte a tróšku splacnjene. Pěstki su nitkojte, tak dołhe kaž abo tróšku krótše hač próškowe łopješka a njesu třidźělnu a kulowaty plěšk.
Rostlina je w hornich horinach Mexika domjaca.
« Wjelekćěwna abelija » w druhich wikimediskich projektach :
Wjelekćěwna abelija (Abelia floribunda, syn. Vesalea floribunda) je rostlina ze swójby kozylistowych rostlinow (Caprifoliaceae). Wona bu wot M.Martens & Galeotti prěni raz w lěću 1844 wědomostnje wopisana.
