Fraxinus lanuginosa (á japönsku: アオダモ aodamo) er tegund asktrjáa ættuð frá Japan og Prímorje svæðinu í austur Rússlandi.[1][2]
Fraxinus lanuginosa er meðalstórt lauffellandi tré, að 10 til 15 m hátt, með stofn að 50 sm í þvermál. Börkurinn er sléttur, dökk grár. Brumin eru föl brún-bleik til grá-brún, þétthærð. Blöðin eru gagnstæð, fjaðurskift, 10 – 15 sm löng, með 3-7 smáblöðum. Blómin eru í gisnum klasa og koma eftir að blöðin eru útsprungin síðla vors, hvert blóm með fjórum grönnum krónublöðum 5 – 7 mm löng; þau eru frjóvguð af skordýrum. Fræin eru vængjuð, 2–4 sm löng og 3–5 mm breið, rauðleit, og verða brún við þroska.[3][4][5][6][7]
F. lanuginosa frá mið-Hokkaidō, í norður Japan, geta verið ýmist tvíkynja eða einkynja og eru að öllu öðru leyti eins og aðrir einstaklingar af tegundinni.[8] Hann er náskyldur Fraxinus ornus frá Evrópu og suðvestur Asíu, með svipaða blómgerð.[7]
Í heimkynnum sínum vex hann í svölum og rökum skógum á gljúpum, ferskum til rökum jarðvegi á sólríkum til lítið skyggðum stöðum. Hann er viðkvæmur fyrir frostum og miklu kalki í jarðvegi.
Viðurinn er notaður í hafnarboltakylfur[9] og rafmagnsgítara.[10]
Fraxinus lanuginosa (á japönsku: アオダモ aodamo) er tegund asktrjáa ættuð frá Japan og Prímorje svæðinu í austur Rússlandi.
