Eumetazoa

Geweevdeerter (Eumetazoa), vun ooldgr. εὖ eu good, echt + μετά meta (achter)nah + ζῷον zóon, Leevwesen, Deert) sünd Veelzellers mit Zellgeweev. Se weert ok Echte Veelzellers nömmt. Mol af vun de Swammdeerter un de Placozoa höört all Veelzellers to de Geweevdeerter. Adl et al. bruukt nich den Naam „Geweevdeerter“, man Animalia (Linnaeus, 1758) for düsse Grupp.

Kennteken

Dat Taxon vun de Geweevdeerter hett siene Kennteken in sunnerliche Zelltypen un echte Geweeve, as Sinnzellen, Nerven- oder Muskelgeweev. Epithel un annere Zellen sünd dör sunnerliche Zell-Zell-Verbinnen tohopenknütt, de heet „Gap Junctions“. Bi dat Wassen vun dat Embryo warrt de Zell dör Gastrulatschoon upspleten in twee Zellschichten (Kiemblöer), dat Entoderm un dat Ektoderm.

Binnere Systematik

As Grundlaag vun de Grupp vun de Geweevdeerter weert hüdigendags nich mehr de Neteldeerter ankeken, man de Ribbenquallen. Wo de Placozoa in de bioloogsche Systematik staht, is nich kloor. Fröher weern se tosamen mit de Swammdeerter as Geweevlose ankeken wurrn, man hüdigendags warrt annahmen, se weern mit de Neteldeerter verwandt.

Eumetazoa

• Ribbenquallen (Ctenophora)
  • Placozoa
  • Neteldeerter (Cnidaria)
  • Tweesiedendeerter (Bilateria)
    • Oormünner (Protostomia)
    • Neemünner (Deuterostomia)

Literatur

• Sina M. Adl, Alastair G. B. Simpson, Mark A. Farmer, Robert A. Andersen, O. Roger Anderson, John A. Barta, Samual S. Bowser, Guy Bragerolle, Robert A. Fensome, Suzanne Fredericq, Timothy Y. James, Sergei Karpov, Paul Kugrens, John Krug, Christopher E. Lane, Louise A. Lewis, Jean Lodge, Denis H. Lynn, David G. Mann, Richard M. McCourt, Leonel Mendoza, Øjvind Moestrup, Sharon E. Mozley-Standridge, Thomas A. Nerad, Carol A. Shearer, Alexey V. Smirnov, Frederick W. Spiegel, Max F. J. R. Taylor (2005): The New Higher Level Classification of Eukaryotes with Emphasis on the Taxonomy of Protists. Journal of Eukaryotic Microbiology 52 (5): 399-451
• Adl, S. M., Simpson, A. G. B., Lane, C. E., Lukeš, J., Bass, D., Bowser, S. S., Brown, M. W., Burki, F., Dunthorn, M., Hampl, V., Heiss, A., Hoppenrath, M., Lara, E., le Gall, L., Lynn, D. H., McManus, H., Mitchell, E. A. D., Mozley-Stanridge, S. E., Parfrey, L. W., Pawlowski, J., Rueckert, S., Shadwick, L., Schoch, C. L., Smirnov, A., Spiegel, F. W. (2012): The Revised Classification of Eukaryotes. Journal of Eukaryotic Microbiology 59: 429–514.
• Hynek Burda, Gero Hilken, Jan Zrzavý: Systematische Zoologie. UTB, Stuttgart 2008, ISBN 978-3-8252-3119-4, S. 42.
• Wilfried Westheide, Reinhard Rieger: Spezielle Zoologie - Teil 1: Einzeller und Wirbellose Tiere, 2. Uplage, 2007, Elsevier, Spektrum Akademischer Verlag, München, ISBN 978-3-8274-1575-2

Belege

Hynek Burda, Gero Hilken, Jan Zrzavý: Systematische Zoologie, UTB, Stuttgart, 2008, ISBN 978-3-8252-3119-4, Siete 42

Weblenken

. Mehr Biller, Videos oder Audiodateien to’t Thema gifft dat bi Wikimedia Commons.