Alsike Clover

Šwedski dźećel^[1] (Trifolium hybridum) je rostlina ze swójby łušćinowcow (Fabaceae).

Wopis

Šwedski dźećel je trajne zelo, kotrež docpěwa wysokosć wot 30 hač 50 cm. Rostlina je zrunana.

Zrunane stołpiki su dudławe a na sukach njekorjenja.

Łopjena

Łopjena su třiličbne a nimaja běły prěčny pask. Łopješka su šěroko owalne abo jejkojte a fajn zubate.

Kćenja

Kćěje wot meje hač septembra. 30-50 kćenja su najprjedy běłe a pozdźišo róžojte a steja w kulowatej, 1,5-3 cm wulkej hłójčce. Kćenja su po času kćěwa dele zhibnjene. Kćenjowe stołpiki su dwójce hač trójce tak dołhe kaž pjećnerwna keluškowa rołka.

Chromozomy

Rostlina ma 2n = 16 chromozomow.

Stejnišćo

Rosće na tučnych łukach, włóžnych łukach, pastwach w kónčinach łučinow, na brjohach, pućach a w šćerkownjach.

Rozšěrjenje

Rostlina je w nimale cyłej Europje rozšěrjena.

Wobrazy

• Ilustracija

Nóžki

1. ↑ ^{1,0 1,1 1,2} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 109.
2. ↑ W internetowym słowniku: Klee

Žórła

• GU Naturführer Blumen, ISBN 3-7742-1507-3, strona 184, jako podobna družina Bastard-Klee (Trifolium hybridum) pod hesłom Weiß-Klee (Trifolium repens) (němsce)
• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, stronje 82, 254 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 78 (němsce)

Eksterne wotkazy

Hlej wotpowědne dataje we Wikimedia Commons:
Šwedski dźećel