Deuterostomes

Икенсел ауыҙлылар (лат. Deuterostomia, рус. Вторичноротые) — Bilateria төркөмөнән күп күҙәнәкле хайуандар төркөмө. Улар иҫәбенә прогрессив үҫешкән умыртҡалылар ( хордалылар тибы), шулай уҡ, энәтирелеләр тибы вәкилдәре керә.

Икенсел ауыҙлыларҙа бластуланың (яралғы) ауыҙ (бластопор) булған урынында аналь тишек барлыҡҡа килә.. Ә ауыҙ тишеге ҡапма-ҡаршы яҡта — бластуланың тупаҡ өлөшөндә ярала.

Шулай уҡ, был төркөмгә ҡараусы хайуандарға икенсел тән ҡыуышлығы (вторичная полость тела) хас.

Классификация

Икенсел ауыҙлыларға хайуандарҙың 3 тибы керә:

• хордалылар (Chordata): шул иҫәптән умыртҡалылар (имеҙеүселәр, балыҡтар, ҡоштар и др.).
• энәтирелеләр (Echinodermata) тибы: диңгеҙ йондоҙҙары, диңгеҙ терпеләре һ.б.
• ярым хордалылар (Hemichordata) тибы.

Ҡайһы бер систематиктар төклө яңаҡлылар(Chaetognatha) һәм юҡҡа сыҡҡан ветуликолий (Vetulicolia) типтарын да икенсел ауыҙлылар төркөмөнә индерә.

Иҫкәрмәләр

Әҙәбиәт

• Биологический энциклопедический словарь