El tana o avet o anca albèo el ga el nome latin Abies alba e el xe un àlbaro senpreverde, n'aghifołia che vive su łe Alpi e su łe Prealpi vènete miscià anca al fagaro e al albèo roso, fin ai 1800 metri e pasa.
Alto anca pi de 50 metri, el pol vivere 2-3 secołi. El ga na scorsa grisa che se staca a tocheti fin. Le foje łe xe aghi piati, verdi sora e bianchi soto. Łe pigne, in otobre, no łe casca xó intiere, ma łe se desfa pian pian, faxendo cascar tute łe scaje.