Annual Mercury

Jednolětny šćěr (Mercurialis annua) je rostlina ze swójby mlóčenjowych rostlinow (Euphorbiaceae). Dalše serbske mjeno je mały šćěr.

Wopis

Jednolětny šćěr je jednolětna rostlina, kotraž docpěwa wysokosć wot 20 hač 50 cm.

Stołpik je nahi a štyrihranity z wjele přećiwostejnymi hałuzami.

Łopjena

Łopjena su jejkojto-lancetojte a přećiwostejne a docpěwaja dołhosć wot 3 hač 10 (8) cm, při čimž jich kroma je tupje zubata.

Kćenja

Kćěje wot meje hač oktobra. Kwětnistwa steja w hornich łopjenowych rozporach. Zwjetša muske a žónske kćenja steja na rozdźělnych rostlinach. Kćenjowa wobałka je małka a wobsteji z tři zelenojtych łopješkow. Žónske kćenja su nimale sedźace a steja w małkokćenjowych rozporostejnych kłubičkach, mjeztym zo muske kćenja steja we wjelokćenjowych, kłosojtych kłubičkach.

Stejnišćo

Rosće w zahrodach, na winicach, pustych płoninach a rolach. Preferuje bazowe pódy.

Rozšěrjenje

Rostlina je w nimale cyłej Europje rozšěrjena, při čimž originalnje z južnej Europy pochadźa.

Wužiwanje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 500.
2. ↑ W internetowym słowniku: Binglekraut

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 362 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 354 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Jednolětny šćěr

Jednolětny šćěr. W: FloraWeb.de. (němsce)