Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
Agelaius humeralis ye una especie d'ave de Cuba y La Española. Pertenez a la familia Icteridae del orde Passeriformes.
Agelaius en griegu significa “gregariu”, humeralis en llatín significa “del costazu”, pol costazu con parche. ‘Mayito’ y ‘totí’ son los nomes que se-yos apliquen en Cuba a dellos páxaros negros. N'Haití ye llamáu merle.
Ye un ave común na Islla de Cuba, y en dellos cayos del norte y del sur, pero ausente de la Islla de la Mocedá. Ye menos común en La Española. Habita en terrenales deforestados, cantos de montes y barraqueres, carbes costeres, montes abiertos, campos cultivaos y praderíes.
Mide unos 20 cm de llargu (la fema ye más pequeña). Dambos sexos son negros con parches pardu-anaranxaos nos costazos, pero más pequeños y apagaos na fema. El neñón ye negru apagáu y col parche del costazu bien pequeñu y opacu. Los güeyos son castañu-escuros y el picu y les pates son negros. Tienen vezos bien gregarios y ye común velos en grandes bandaes cuando hai alimentu abondoso como nos arrozales maduros. Comen granes gramínees, frutos, inseutos, llagarteses pequeñes y néctar.
Añeren d'abril a agostu, ente la ramasca trupa d'árboles, sobre pencas de palmes o sobre bromeliacees epífitas. Constrúin el nial en forma de copa, con payes, fibres, pelos y plumes. La puesta ye de trés o cuatro güevos blancu-verdosos con delles manchitas pardes, más na parte más gruesa. Los güevos miden 3,3 por 1,7 cm.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. Agelaius humeralis ye una especie d'ave de Cuba y La Española. Pertenez a la familia Icteridae del orde Passeriformes.
