Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
'''Sylvia melanothorax[2] ye una especie d'ave paseriforme de la familia Sylviidae que vive en Xipre y la contorna del mar Bermeya.
Como la mayoría de les especies del xéneru Sylvia presenta dimorfismu sexual nel so plumaxe. El machu adultu tien la cabeza negra con bigoteras blanques y el restu de partes cimeros gris llisu. Los sos partes inferiores son abuxaes densamente motudes en negru, lo que-y estrema del restu de papudes. Les femes sicasí tienen la cabeza abuxada y les partes inferiores ablancazaes con un llixeru motudu escuru.
Ye un ave migratoria que cría en Xipre y muévese al sur pa pasar l'iviernu nes mariñes occidentales del mar Bermeya, distribuyíu por Israel, Xordania, Exiptu, Sudán y Eritrea.
Vive en zones de carba seca cercanes a la mariña, de cutiu nes fasteres de los montes.
Forma una superespecie al pie de la papuda de Rüppell caracterizada por papuda de gargüelu escuru, con bigoteras blanques y los cantos de les remiges claros. De la mesma tán emparentaes coles papudes del Mediterraneu y Oriente mediu que tienen el aniellu periocular estenu, especialmente cola papuda subalpina, la papuda sarda y la papuda de Menetries. Dambos grupos tienen la zona al pie del quexal blancu, anque nun formando una llista nel postreru. Percima d'esti blancu la cabeza de los machos ye de tonos escuros uniformes.[3]
Aliméntase principalmente d'inseutos, anque tamién come pequeños frutos.
Añera nes carbes baxes, onde pon ente 3 y 5 güevos.
.
Esta páxina forma parte del wikiproyeutu Aves, un esfuerciu collaborativu col fin d'ameyorar y organizar tolos conteníos rellacionaos con esti tema. Visita la páxina d'alderique del proyeutu pa collaborar y facer entrugues o suxerencies. Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO. '''Sylvia melanothorax ye una especie d'ave paseriforme de la familia Sylviidae que vive en Xipre y la contorna del mar Bermeya.
