La Gralinedoj (Grallinidae) estas familio en la ordo de la paseroformaj birdoj (Passeriformes). Ĝi konsistas el nur unu genro kun du specioj.
Gralinoj loĝas en Aŭstralio. Ili estas tre adaptiĝkapablaj, sed preferas vastan ebenan molan teritorion. Kiel kultursekvantoj ili profitas kaj de la senarbarigo kaj de la utiligo de dezertaj regionoj helpe de arteza akvo.
Ili grandas je 26 ĝis 30 cm. Unuope aŭ pare ili sidas sur telefondratoj aŭ serĉas piede sian nutraĵon: ĉiuspecajn etajn bestojn. La paroj kutime restas kunaj por ĉiam, kune defendas sian teritorion kaj kune prizorgas la idojn.
Gralinoj kapablas kanti duope: Ĉiu partnero kantas ĉiun sekundon unu sonon, sed unu ekkantas pli malfrue ol la alia tiel, ke oni apenaŭ povas distingi, ĉu kantas du aŭ nur unu.
La Gralinedoj (Grallinidae) estas familio en la ordo de la paseroformaj birdoj (Passeriformes). Ĝi konsistas el nur unu genro kun du specioj.
