Traveller's Joy

Lěsny pryšćenc (Clematis vitalba) je rostlina ze swójby maslenkowych rostlinow (Ranunculaceae).

Clematis vitalba

Wopis

Lěsny pryšćenc je wijaty kerk, kotryž docpěje wysokosć wot 10 m.

Stołpiki su lianojte, nićojte a wodrjewjene. Wone so hodźa jich zhibujomnosće dla k plećenju.

Łopjena

Łopjena su přećiwostejne a njeporowje pjerite. Łopješka su šěroko lancetojte, jejkojte abo wutrobojte, hrubje a njesymetrisce zubate.

Kćenja

Kćěje wot junija hač do awgusta. Kćenja su dołho stołpikate, nakónčne abo rozporostejne, běłe, docpěja šěrokosć wot 2 hač 3 cm, maja 4 běłe abo zwonka lochko zelenkojte kćenjowe łopješka, wobsahuja wjele próškowych łopješkow, tworja wjelekćenjowe kwětnistwa. Kćenjowe łopješka su na woběmaj bokomaj móškojće kosmate.

Płody

Płody su jednosymjenjowe zawěrace płody.

Maćizny

Rostlinska měza wobsahuje protoanemonin.

Stejnišćo

Rosće w łučinowych lěsach, na kerkowych kromach a lěsnych kromach, lěsnych holinach, w kerčinach wot pustych płoninach.

Rozšěrjenje

Rostlina je w zapadnej, srjedźnej a južnej Europje, sewjernje hač Jendźelskeje rozšěrjena.

Wobrazy

• Symjenik

• Płodźiki

• Kćenja

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 377.
2. ↑ W internetowym słowniku: Waldrebe

Žórło

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 446 (němsce)
• Seidel/Eisenreich: BLV Bestimmungsbuch Blütenpflanzen, ISBN 3-405-13557-5, strona 84 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 394 (němsce)

Eksterne Wotkazy

• ahaco.de