Indian Elephant

O elefante indio (Elephas maximus indicus) é unha das tres subespecies recoñecidas de elefante asiático que habita en Asia. Dende 1986, Elephas maximus foi sinalado como especie ameazada pola IUCN xa que a súa poboación descendeu polo menos un 50% nas últimas tres xeracións. A especie está ameazada pola perda, degradación e fragmentación de hábitat.

Distribución e hábitat

Elefantes ceibos en Munnar, Kerala.

Elfante no Parque Nacional Jim Corbett.

Bañándose no Parque Nacional Nagarhole.

Os elefantes indios son nativos de case toda Asia: India, Nepal, Bangladesh, Bután, Myanmar, Tailandia, Península de Malaisia, Laos, China, Camboxa e Vietnam. Nos anos 1990, a poboación estimada era:^[2]

• 26.390–30.770 en India, onde as poboacións están restrinxidas en catro áreas:
  • no noroeste — ó pé do Himalaia en Uttarakhand e Uttar Pradesh.
  • no nordeste – dende a fronteira leste de Nepal ata o oeste de Assam.
  • na zona central — en Orissa, Jharkhand, e no sur de Bengala, con algúns animais en Chhattisgarh.
  • no sur – oito poboacións dispersas.
• 100–125 no Nepal.
• 150–250 en Bangladesh.
• 250–500 en Bután.
• 4.000–5.000 en Myanmar.
• 2.500–3.200 en Tailandia.
• 2.100–3.100 en Malaisia.
• 500–1.000 Laos.
• 200–250 en China.
• 250–600 en Camboxa.
• 70–150 na zona sur de Vietnam.

Notas