Coati

Nosowe mjadwjeźe, tež pyskowe mjadwjeźe^[1] (Nasua) su rod ze swójźby małkich mjadwjeźow (Procyonidae). Wopśimjejo tśi družyny.

Wopis

Nosowe mjadwjeźe dośěgnu dłujkosć wót něźi 35 až do 70 cm.

Rozšyrjenje a žywjeński rum

Družyny su w lěsach a tšawnej stepje pódpołdnjowego źěla pódpołnocneje Ameriki až do pódpołdnjoweje Brazilskeje domacne. Wóni su wšožracki, kótarychž kóža jo brunošera až cerwjenobruna a gusta. Głowa jo dłujka kaž teke nos.

Družyny

Tśi družyny se rozeznawaju:

• Pódpołdnjowoameriski nosowy mjadwjeź (Nasua nasua),
• de:Weißrüssel-Nasenbär (Nasua narica) a
• Nelsonowy nosowy mjadwjeź (Nasua nelsoni)

Dalša družyna, Górski nosowy mjadwjeź (Nasuella olivacea), kótaryž jano w Andskich dolinach w dłujkowjacornej Pódpołdnjowej Americe jo žywy, se w swójskim roźe, Nasuella, wjeźo.

Nožki

1. ↑ W internetowem słowniku: Rüsselbär (Glědaj, až tam jo singularna forma.)

Žrědła

• Meyers Taschenlexikon Biologie, In 3 Bänden, 2. zwězk, ISBN 3-411-12013-1, bok 222 (nim.)