Anemonak edo eguerdililiak (Anemone) Ranunculaceae familiako landare-genero bat da, 120 bat espeziez osatua. Ipar eta Hego hemisferioetako eskualde epeletakoa da. Pulsatilla eta Hepatica generoen antz handia du, eta, sailkapen batzuetan, bi genero horiek Anemone barnean sartzen dituzte.
Generoaren izena Άνεμος hitz grekotik dator; «haizea» esan nahi du.
Landare bizikorrak dira, eta lurpeko zurtoin tuberkuluduna dute, oso zabala. Hosto gutxi-asko arrailduak dituzte.
Loreak zurtoin luzeen muturrean agertzen dira. Lore bat edo gehiago izan daitezke, zuriak, gorriak, urdinak edo, gutxiagotan, horiak.
Fruituek estilo luze eta iledunak izaten dituzte, haizeak sakabana ditzan.
Espezie asko lorategiak apaintzeko erabiltzen dira, batez ere Anemone coronaria.
Anemonak edo eguerdililiak (Anemone) Ranunculaceae familiako landare-genero bat da, 120 bat espeziez osatua. Ipar eta Hego hemisferioetako eskualde epeletakoa da. Pulsatilla eta Hepatica generoen antz handia du, eta, sailkapen batzuetan, bi genero horiek Anemone barnean sartzen dituzte.
Generoaren izena Άνεμος hitz grekotik dator; «haizea» esan nahi du.
