Twinflower

Prawy mochowy zwónčk (Linnaea borealis) je rostlina ze swójby kozylistowych rostlinow (Caprifoliaceae).

Wopis

Prawy mochowy zwónčk docpěje wysokosć wot 5 hač 15 cm.

Stołpik je nitkojty a docpěje dołhosć wot 2 m.

Łopjena

Łopjena su w zymje zelene, kulojte, na delnim boku módrozelene a docpěja dołhosć wot 7 hač 12 mm.

Kćenja

Kćěje wot junija hač awgusta. Zwónčkojte, běłe abo róžojte kćenja docpěja dołhosć wot 7 hač 10 mm, maja pjeć šěrokich kónčkow a steja po jednym hač po dwěmaj na dołhim stołpiku.

Stejnišćo

Rosće w jehlinowych lěsach na mochowym polstrje lězo, w Alpach hač do wysokosćow wot 2400 m.

Rozšěrjenje

Rostlina je rozšěrjena w sewjernej Europje kaž tež w Alpach, Sudetach, Karpatach a w Kawkazu.

Poddružiny

Rozeznawaja so tři poddružiny:

• Linnaea borealis subsp. borealis w Europje
• Linnaea borealis subsp. americana (J. Forbes) Rehder w Sewjernej Americe
• Linnaea borealis subsp. longiflora (Torr.) Hultén w Aziji

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 66 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Prawy mochowy zwónčk