Garlic Mustard

Prawy česnak (Alliaria officinalis) je rostlina ze swójby křižnokwětnych rostlinow (Brasicaceae). Dalše serbske mjeno je kobołkowe zelo.

Wopisanje

Prawy česnak je jednolětna rostlina, kotraž docpěwa wysokosć wot 20 hač 100cm.

Stołpik steji zrunanje a je hranity.

Delnje łopjena su dołho stołpikate.

Kćěje wot apryla hač junija. Kćenja steja w nakónčnych kićach a docpěwaja wulkosć wot 0,6 hač 1cm.

Trukowe płody docpěwaja dołhosć wot 20 hač 70 mm.

Stejnišćo

Rosće na chłódkojtych lěsnych kromach, žiwych płotach, zahrodach a parkach. Preferuje wutkate, humozne, čumpate hlinowe pódy, předewšěm na powětrowłóžnych stejnišćach.

Rozšěrjenje

Noty

1. ↑ Prawopisny słownik, Hornjoserbski słownik, ISBN 3-7420-1920-1, strona 68

Žórła

• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 112
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)