Strigo esas irga de kelka plu kam 200 speci di solitara, e precipue noktala rapt-uceli del ordero Strigiformi.
Strigo precipue chasas mikra roderi, insekti ed altra uceli, tamen kelka speci specaligas su chasar fisho. Ol trovesas en la tota mondo ecepte Antarktika, la maxim granda parto di Grenlando e kelka fora insuli.
Strigo havas granda okuli ed oreli, beki simila a de sparvieri, e kustumale granda cirkli di plumi, nominita faciala disko cirkum omna okulo. Quankam strigo havas binokulara vidado, lua granda okuli esas fixa en lua mufo, e ol devas turnar komplete lua kapo por vidar cirkum ol. Ol povas vidar fore en febla lumo, ma ol ne esas kapabla vidar precize ye min kam dek centimetri. Ol povas turnar lua kapo 135 gradi en amba direcioni; do povas regardar dop lua shultri.
Strigo posedas potenta pinta ungli e tranchiva beko qui permisas li dislacerar lua raptaji ante manjar, tamen la maxim granda parton ol glutas komplete. Pos ol vomas la nedigestebla kompozo (osti, squami, furo, ec.) per buleti. To lasta esas ofte vendita ye skoli por esar dissekar per studianti por lecioni pri biologio ed ekologio, nam ol esas multe facila interpretar.
Lia ovi esas blanka e preske sferatra. Strigi depozas de poka til dekedu ovi, segun speci. Lia nesti esas grose konstruktita e povas esar en arbori, en kavaji o garbeyi.
Pro olua blanka koloro ed olua preske silencoza flugo strigo ofte aparas en la fantazio-romani di Harry Potter.
Strigo esas irga de kelka plu kam 200 speci di solitara, e precipue noktala rapt-uceli del ordero Strigiformi.
Strigo precipue chasas mikra roderi, insekti ed altra uceli, tamen kelka speci specaligas su chasar fisho. Ol trovesas en la tota mondo ecepte Antarktika, la maxim granda parto di Grenlando e kelka fora insuli.
