d'n Asp, esp of ratelpopuleer (Letien: Populus tremula) is 'ne populeer oete sectie Leuce en behuuertj toete wejefemielje (Salicaceae). Dae is 'ne boum dae van natuur veurkump inne gemaotigdje en kaaj streken in Europa, Naordwès-Afrika en Azië. De saort kump aevel neet euveral van oearsprónk veur. De boum wuuertj inne regel óngevieër 100 jaor aad.
d'n Asp greutj veural op good óntwaterdje gróndj, meh kump ouch waal in moorgebiede veur. De boum vörmp op eige root väöl rootopslaag. Dae kan 20 toet 35 maeter hoeag waeren en haet opgäöndje tek en vörmp 'n brei kroean.
