Os feliformes u scientificament Feliformia (en latín) son una d'as dos subordens en as quals se subdivide a orden Carnivora, d'os mamiferos.
A suborden se sustenta en qualques caracteristicas morfolochicas exclusivas que tienen todas as familias integraderas, que no se troba difueras d'o grupo. Etimolochicament a parola Feliformia significa «os que tienen forma de gato». L'atra gran suborden de Carnivora, contraposada a Feliformia, ye Caniformia u os caniformes («os que tienen forma de can»).
Manimenos y anque en primeras en podese pareixer, no ye l'apariencia fisica a qui estableix o criterio de clasificación, si no caracteristicas internas como a morfolochía de l'oido medio, que tiene una capsula osia doble en os feliformes y simple en os caniformes. Ista caracteristica se troba en totz os feliformes y ye la sola univoca que tienen, tot determinando la suya inclusión en a subfamilia.
I hai atros caracters morfolochicos que pueden estar presents u no, pendendo d'a especie, anque se considere que l'antepasau común de todas as teneba, pus por os diferents procesos d'especiación bells clados as pueden haber perdidas secundariament. Bells eixemplos d'iste tipo de caracters no siempre presents son a locomoción dichitigrada (ixo ye, sobre os didos), porque tamién i hai feliformes que s'ha tornau plantigrados secundariament y caniformes que s'ha tornau dichitigrados tamién (p. ex. Canidae), o mueso más curto y/u con menos dients que en os caniformes, as muelas carnuceras con coronas más alteras y marcadas, y una dieta más carnivora y menos oportunista que os miembros de Caniformia. A realidat ye que muitos linaches de Feliformia han perdiu beluns u totz d'istos caracters y l'han feito tardanament en a suya evolución.
Se veigan as imáchens de Commons sobre Feliformia.
Wikispecies tiene un articlo sobre Feliformia.Os feliformes u scientificament Feliformia (en latín) son una d'as dos subordens en as quals se subdivide a orden Carnivora, d'os mamiferos.
A suborden se sustenta en qualques caracteristicas morfolochicas exclusivas que tienen todas as familias integraderas, que no se troba difueras d'o grupo. Etimolochicament a parola Feliformia significa «os que tienen forma de gato». L'atra gran suborden de Carnivora, contraposada a Feliformia, ye Caniformia u os caniformes («os que tienen forma de can»).
