El lionpardo (nome sientifego Panthera pardus) el xe na bestia de la fameja dei Felidi. El xe difuso inte tuta l'Africa e inte l'Asia meridional e oriental, co un numaro de individui particolarmente alto inte Isole de la Sonda.
El xe da sempre uno dei pì nodi infra i felini salvadeghi; dopo del lion e la tigre el xe provabilmente el felin grando che el gh'ha vuo la mazor considerazion inte la cultura europea tradizional, cità soratuto par la so furtività e azilità inte i movimenti. Par el passà esisteva (e in parte la esiste uncora uncuò) la tendenza, inte' l senso comun, a identifegare eroneamente cofà lionpardi altri grandi felini de dimension e aspeto simii, cofà el zaguaro e el ghepardo; inoltra el termene lionpardo el xe stà estenduo in epoca moderna par endegcare do specie asiateghe de felidi distinte rispeto a Panthera pardus, el Lionpardo de le neve e el Lionpardo nebuloso.
