Bilberry

Пичечулякс (лат. Vaccinium myrtillus, лиякс пичеумарькс, сэнь умарькс, пичечуля^[1], руз. Черни́ка, или Черника обыкновенная, или Черника миртолистная) — чернигакуракш кандови пичеумарень (Vaccinium) канс (Ericaceae). Те максы ярсамс ягодат.

Чачозо-покшолмазо

Пичечуляксось касы 10–50 см сэрьс ^[2], кизна пижелат алонь кирьксалат лопанзо, конат теленень прыть. Панчтонзо лисить панжиковсто, аштемковсто. Баягине панчттнэстэ лиси веикине авака пелькске. Атяка пелькскетнеде ниле эли кавксо. Панчтонть тюсозо валдо-пижела эли якстерть мериця.

Пичечулянь марьтнесэ ламо хруктань кислотат. Эйсэст ламо витаминт A, В ды С, марганец, магний ды кальций^[3].

Лопатнестэ ды цецятнестэ теить ламбамо ведь, симить дристамонть лоткавтомо^[4]. Цецятнестэ мекштне саить медярво. Медесь лиси тантей чине марто, ашназа, аламнедэ якстерть молиця^[5].

Фотокувт

• Пичечуля (ботаникань артовкс)

• Пичечулянь ягодат

• Пичечулясь вирьсэ

• Франциясо пурныть пичечуля

Лисьмапря

1. ↑ Русско-эрзянский ботанический словарь (названия сосудистых): Ок. 1600 назв. /А. М. Гребнева, В. В. Лещанкина.— Саранск: Тип. «Крас. Окт.», 2002.— 60 с.— Рус, эрзян. ISBN 5-7493-0433-7.,(руз.),(эрз.)
2. ↑ Gunnevi Bonekamp: Luonnon marjat ja hedelmät värikuvina, Suomen Luonnonsuojelun Tuki Oy, 2001, лопаланго 78 ISBN 951-9381-80-5 (суом.)
3. ↑ Mustikan ravintoarvot Terveyden ja hyvinvoinnin laitos.(суом.)
4. ↑ Блинова К. Ф. Ботанико-фармакогностический словарь : Справ. пособие, Москва, 1990, стр.257 ISBN 5-06-000085-0(руз.)
5. ↑ Абрикосов Х. Н. Черника. Словарь-справочник пчеловода. ответственный сост. Федосов Н. Ф. Москва, Сельхозгиз, 1955. стр.397(руз.)