Euphorbia pulcherrima est angiosperma in Mexico endemica, nunc autem per omnem terrarum orbem pro ornamento ostentata, praecipue tempore Christi Natalem. Nomen Anglicum poinsettia pro Joel Roberts Poinsett datum est,[1] primo Civitatum Foederatarum administro ad Mexicum conlocato,[2] qui plantam in Civitates Foederatas anno 1828 introduxit.
Euphorbia pulcherrima est frutex vel parva arbor, quae a 0.6 ad 4 m alta crescere solet. Planta folia dentata atroviridiaque habet quae a 7 ad 16 cm longa crescunt. Bracteae—saepissime cardinales, sed aliquando aurantiae, virides dilutae, cremeae, roseae, albae, vel marmoratae—re vera sunt folia. Eorum adgregationes coloresque hominibus plerumque florum videntur petala; veri autem flores in perparvis flavisque conformationibus in omne foliorum grege medio adgregantur, cyathia appellatis.
Species est in Mexico endemica,[3] ubi vigere solet in silvis deciduis tropicisque apud altitudinibus moderatis a Sinaloa meridionali per omne reipublicae litus Pacificum ad Chiapas? et Guatemalam. Invenitur etiam in interioribus terrae regionibus, praecipue in callidis et tempore arido Guerreri, Oaxacae, Chiapasque? silvis. Nuntii plantae ferae in Nicaragua et Costa Rica vigentis non iam a biologis confirmantur.
Sunt plus quam centum poinsettiae cultivaria. Fere 74% populi Americani poinsettias rubras anteponunt, 8% albas, et 6% roseas.[4]
In Nahuatl, lingua Aztecorum, planta appellatur cuitlaxochitl 'flos cutis'. Azteci planta usi sunt ad tincturam rubram factam, et pro antipyretico, medicamine quod febrem lenit.[5] Hodie in Mexico et Guatemala appellatur Nox Bona (Hispanice: Noche Buena), dies Christi Natalis instantis; in Hispania, flos Pascuae; in Tsilia et Peruvia, corona Andium.
Coniunctio plantae et Christi Natalis saeculo sexto decimo in Mexico coepit, ubi habetur puella fuisse tam pauper quod ipsa donum pro celebratione Christi Natalis praebere non potuit. Dicit fabula puellam, ab angelo tactam, herbas inutiles ex via conlegisse, et eas pro templi ara posuisse. Certae conformationes cardinales ex herbis germinantes factae sunt flores pulchri.[6] A saeculo septimo decimo, fratres Franciscani? in Mexico plantas in eorum celebrationibus Christi Natalis adhibent.[7]
Per Americam Septentrionalem, poinsettiae sunt populo gratissima Christi Natalis ornamenta[1]—in domibus, templis, officinis, et alibi. Vendibiles sunt permulate in locis commercii. In Civitatibus Foederatis, dies 12 Decembris est Publica Poinsettiae Dies (Anglice: National Poinsettia Day).
Poinsettia in Aegypto post decada 186 excolitur, ex Mexico translata per Bellum Aegypti. Appellatur bent el consul 'fila consulis', quod ad Joel Poinsett legatum iterum attinet.
Est in CFA et fortasse alibi notio quod poinsettia magnopere sit toxicaria. Immo, haec notio est falsa; planta autem cutem stomachumve leniter inflammat,[3] et comesta potest diarrhoeam vomitumque efficere.[8]
Truncus apud Jayanti? in Buxa Tiger Vivario in Jalpaiguri Bengaliae Occidentalis Indiae
Arbor Natalicia ex poinsettiis in San Diego facta.
Poinsettia cum multis bracteis
Euphorbia pulcherrima est angiosperma in Mexico endemica, nunc autem per omnem terrarum orbem pro ornamento ostentata, praecipue tempore Christi Natalem. Nomen Anglicum poinsettia pro Joel Roberts Poinsett datum est, primo Civitatum Foederatarum administro ad Mexicum conlocato, qui plantam in Civitates Foederatas anno 1828 introduxit.