Suillus luteus, tamién conocíu como boletu anillado[1] o babosillo, ye un fungu basidiomiceto del orde Boletales bien común en toa Europa. Nun tien preferencia por nengún tipu de suelu, pero crez so les especies del xéneru Pinus, onde se-y atopa con relativa frecuencia. El cuerpu granible apruz dende branu a seronda. Ye una cogorda comestible, anque la cutícula mafosa del sombrerucu puede tener fuertes efeutos laxantes en determinaes persones, polo que ye conveniente retirala. L'epítetu específicu "luteus" significa "mariellu". Toles especies del xéneru Suillus son micorrices de coníferes.[1]
El sombreru ye de color marrón y de forma convexa, con un diámetru ente 4 y 10 centímetros, pudiendo algamar hasta 12 centímetros d'anchor. La cutícula esaníciase fácilmente, ye mafosa y el so cantu ye endolcáu, pudiendo presentar restos del velo. Los tubos son de color mariellu maciu y cuando l'exemplar ye nuevu atópense cubiertos pol aniellu. Los poros son pequeños y angulosos, mariellos en fases iniciales y parduscos conforme la cogorda avieya. N'exemplares nuevos, pueden segregóse delles gotes llechientes, pero non en tanta cantidá como nel S. granulatus. L'pie mide ente 3 y 8 centímetros de llongura por ente 1 y 2,5 centímetros d'anchu, ye robustu y ablancazáu, cilíndricu y presenta un aniellu ancho y membranoso. La esporada ye de color pardu. La carne ye blanca amarellentada, de golor afrutado y sabor bien poco marcáu.[1]
Les cogordes madures pueden confundise coles de Suillus granulatus, tamién comestible.[1]
Suillus luteus, tamién conocíu como boletu anillado o babosillo, ye un fungu basidiomiceto del orde Boletales bien común en toa Europa. Nun tien preferencia por nengún tipu de suelu, pero crez so les especies del xéneru Pinus, onde se-y atopa con relativa frecuencia. El cuerpu granible apruz dende branu a seronda. Ye una cogorda comestible, anque la cutícula mafosa del sombrerucu puede tener fuertes efeutos laxantes en determinaes persones, polo que ye conveniente retirala. L'epítetu específicu "luteus" significa "mariellu". Toles especies del xéneru Suillus son micorrices de coníferes.
