Coffea iku marga tetuwuhan sing asilé antarané awujud wiji kopi sing dadi bahan dhasar ombènan wédang kopi. Genus iki duwé watara 100 spésies, nanging saka 100 spésies iku mung loro sing nduwé aji tumrap dedagangan, ya iku C. canephora (ngasilaké kopi robusta) lan C. arabica (ngasilaké kopi arabika). Sawetara jinis liya uga dianggo minangka bahan campuran kanggo aroma, kaya ta C. excelsa lan C. liberica.
