Coriandrum sativum L.
Descrezzione
Èrva annuale, áveta 20-50(60)cm, mbrefemata, che na rádeca fina fina; fušt ritt. Gl sciuore, ghiangh o ròsa, suó reštritt a mbrèlla e 4(5)-6(10) razz. Gl frutt suó prond a giugn-lugl.
Andó ze tròva
Ne vè da le zzòne sudd occedendale de gl Mediterranee. Fejuta da l'òrtera, z'è nateralezzata ne ccone appettutt. Cámbera, òrtera, da 0 a 1000 m. n.l.m.
Use
Mmedecina
Na vòta venéva addeprata condr a gl viérmene é gl delure articulare.
Cucina
- Frutt: pízzicane ne ccone é viéve addeprate a gl paise e gl Levand pe mbrefemà le magnà. A l'Innia gl ammíšchiene che ate addore pe fà, presèmbie, gl curry o gl galam masala. Ze ne puonn fa ciért lequore che siérvene pe alleggerì; ze míttene pure mmiés'a le pizz doce, dénd a le pane o dénd a le savecicc sécch.
- Frunn: tiéve ne sapore frisch assá particulare, deviérz ndutt da gl frutt, é z'addòprene comm a gl perdesine.
- Rádeche: z'addòprene a la Thailandia pe fà ne cunnemiénd anziém'a agl é pépe.
